ಕನ್ನಡ ನುಡಿ ರಚನೆ: ಕೆಲವು ನೆಲೆಗಳು

ಕನ್ನಡವನ್ನು ತಮ್ಮ ಮೊದಲ ನುಡಿಯನ್ನಾಗಿ ಹೊಂದಿರುವ ಎಲ್ಲರಲ್ಲೂ ಆ ನುಡಿಯ ರಚನೆಯು ಅಂತಸ್ಥವಾಗಿರುತ್ತದೆ. ಈ ಅಂತಸ್ಥ ರಚನೆಯು ಎಲ್ಲ ಕಾಲದ ಕನ್ನಡಿಗರಿಗೂ ಸಮಾನವಾದುದು.ಎಳವೆಯಿಂದಲೇ ಈ ನುಡಿಯ ಕಸುವು ನಮ್ಮಲ್ಲಿ ನೆಲೆಗೊಂಡಿರುತ್ತದೆ. ಆ ರಚನೆಯ ತಿಳಿವು ನಾವು ದಿನವೂ ಕನ್ನಡ ನುಡಿಯ ಕಟ್ಟಲು ನಮಗೆ ನೆರವಾಗುತ್ತಿದೆ. ಈ ರಚನೆ ಎಂಬುದು ಅಚ್ಚುಕಟ್ಟಾದ ಕಟ್ಟಳೆಗಳಿಂದ ಕೂಡಿದ ವ್ಯವಸ್ಥೆಯಾಗಿರುತ್ತದೆ. ಈ ವ್ಯವಸ್ಥೆ ಹೇಗಿರುವುದು ಎಂಬುದನ್ನು ಕಂಡುಕೊಳ್ಳಲು ನಡೆಸಿರುವ ಪ್ರಯತ್ನವೇ ಈ ಪುಸ್ತಕದ ಬರಹಗಳಲ್ಲಿದೆ.